SkjåkSkjåk kommune (2 300 innb.) ligg lengst vest i Ottadalen i Oppland fylke, med jordbruk som basisnæring. I kommunesenteret Bismo er det også ein god del industri. Kommunen er den tørraste i landet, med 278 mm i årsnormal. Kunstig vatning har derfor alltid vore nødvendig for jordbruket, og i fjellet finst mange demningar og vassveiter som fortel om ein viktig vatningskultur. Kommunen har store fjellområde, med bl.a. villrein. Skjåk Allmenning er den største bygdeallmenninga i landet, og forvaltar store utmarksverdiar. |
|
Gamle Strynefjellsvegen |  | Gamle Strynefjellsvegen er eit kulturminnehistorisk alternativ til RV15. Etter 3,5 km ved Hellstuguvatnet: Steinalderbusetnad, reinsgraver, hellstugu, anleggssmie og restar etter eit tysk bombefly. Etter 8,8 km ved Vargevasskulane: Gravrøys på eit berg. Etter 10,8 km: Vassvendingen, vassdelet mellom aust og vest. Etter 12,2 km: Vegens høgaste punkt, 1139 moh. Etter 14,9 km står Kongsvarden, som skal vera bygd av Harald Hårfagre. Etter 21,2 km: Bjørnsonsvingen. Informasjonstavler ved Grotli Høyfjellshotell og Jostedalsbreen Nasjonalparksenter. | Les meir...
| Pålebrua |  | Pålebrua er ei såkalla utleggsbru, som er ein konstruksjon av lafta tømmer. Dette var ein vanleg brukonstruksjon her i distriktet, men nå er det berre Pålebrua og brua over Tora att her i Skjåk. Ein veit ikkje kor gamal brua er. Mange undrar seg over at brua er både brei og solid til å vera bygd der ein ikkje finn teikn på køyreveg. På nordsida av brua var det ei kvern som var i bruk til byrjinga av 1900-talet. Der budde "Pålen" eller Iva Pålsen. Det er han som er opphavet til namnet på brua i dag, men brua er heilt klart mykje eldre. | Les meir...
| Vatnet Kulturstig |  | Dette er ein kulturstig som gir deg ein flott fottur medan du lærer korleis folk har streva for å få vatn på åkrane i tidlegare tider. Skjåk har eit lunt og godt klima med høge temperaturar om sommaren. Bygda ligg i regnskuggen bak dei høge fjella mot vest, og har difor om lag like stor årsnedbør som Sahara. "Vil Vårherre gje’ oss sol, ska’ oss sjølve skaffe væte", sa dei gamle skjåkværane og bygde desse sinnrike vatningsanlegga som du skal få sjå litt av på denne turen. | Les meir...
|
|
|
|
|