Hjem / Kva skjer på Norsk Smaksskule-kurs?

Kva skjer på Norsk Smaksskule-kurs?

Del
I 2019 arrangerer Norsk Smaksskule si sjuande kursrekkje for skule- og barnehagelærarar. Kva skjer på desse kursa - og kva kostar dei? Vi har samla nokre av dei spørsmåla vi oftast får om Norsk Smaksskule og svara på dei.

Norsk Smaksskule er eit prosjekt i regi av Stiftelsen Norsk Kulturarv i samarbeid med Arne Brimi og fleire andre av Norges fremste kokkar. Vi kursar skule- og barnehagetilsette i korleis dei kan jobbe med barn og unge for å skape positive atferdsendringar knytt til mat og kosthald. Dette innebêr ein del enkle grep ein kan gjera for å motivere barna til å i større grad vera opne for nye smakar. Søknadsskjemaet for kursa til hausten i Bergen, Oslo, Lom og Trondheim ligg no ute, og vi har samla nokre av dei mest vanlege spørsmåla vi får frå potensielle kursdeltakarar for å svare på dei her. 

Kva kostar det å delta på Norsk Smaksskule?

Norsk Smaksskule sine todagars oppstartskurs er gratis å delta på - inklusiv lunsj. Deltakarane må sjølv betale eventuelle reise- og overnattingssutgifter. 

Kven kan delta på Norsk Smaksskule?

Alle tilsette i skule, barnehage og SFO kan delta på Norsk Smaksskule sine gratis kurs.

Kvar blir kursa halde?

Kursa blir halde i Bergen, Oslo, Lom og Trondheim. I Oslo og i Lom er det to kurs.

Kan fleire frå same skule/barnehage delta? 

Ja, det er berre bra om fleire frå same skule/barnehage/SFO deltek på kurset. Dette bidreg til at det blir lettare å kunne tenkje heilskapleg om korleis ein skal jobbe med mat i skulen eller barnehagen.

Kva for oppfølgjing får ein etter ein har vore på kurs?

Etter kurset får ein jamnleg tilsendt forslag til smaksøvingar med påfølgjande oppskrifter ein kan nytte i undervisninga. I tillegg kan ein få besøk av ein kokk i barnehagen eller på eit foreldremøte. Dette er også gratis. 

Må ein vera lærar eller pedagog for å delta på Norsk Smaksskule sine kurs?

Nei, alle tilsette i barnehage, skule eller SFO kan delta på våre kurs. Mange av dei som deltek er assistentar. 

Korleis er Norsk Smaksskule finansiert?

Norsk Smaksskule er stolt av å samarbeide med Sparebankstiftelsen DNB, Gjensidigestiftelsen og Nærings- og Fiskeridepartementet for å bidra til at barn og unge får flest mogleg smaksreferansar i ung alder samt bidra til at barn og unge kan ta gode, kunnskapsbaserte valg knytt til mat og kosthald.

 

SØKNADSSKJEMA FINNER DU HER!

 

Publisert 
Mandag, 4 mars, 2019
Les også 

Haag, 21 mai 2019. Vinnere av De europeiske kulturminnepriser/Europa Nostras priser 2019, den høyeste utmerkelse innen sitt felt i Europa, ble kunngjort i dag av Europa-kommisjonen og Europa Nostra, det ledende europeiske kulturminne-nettverk. De 25 prisvinnerne fra 16 land har fått anerkjennelsen for sin imponerende innsats innenfor bevaring, forskning, særlig innsats og utdannelse, læring og bevisstgjøring. Blant årets vinnere innenfor kategorien «særlig innsats” er Fortidsminneforeningen. Vinnerne vil bli hedret i Paris 29. oktober ved pristildelings-seremonien under Den europeiske kulturminnekongressen.
Tysdag vart Norge på tvers avrunda med smaksfest på Hesby barnehage på Finnøy i Rogaland.
Vi har lenge vært kjent med at det står svært dårlig til med tilstanden til vikingskipene på Bygdøy i Oslo. Omfattende studier de siste årene av tilstanden til Gokstad- og Osebergskipet har konkludert med at det må settes inn tiltak umiddelbart for å unngå store skader eller i verste fall kollaps. Ledelsen ved museet mener et nytt museumsbygg må til for å ta vare på skipene på sikt.
Fortidsminneforeningen inviterte Kulturminnefondet og Stiftelsen Norsk Kulturarv til kulturminne-fagleg rundreise på Jæren. (Fv. Erik Lillebråten, Elisabeth Søyland, Jarle Braut og Simen Bjørgen ved gravrøysene kring Hå gamle prestegard. (Foto: Emma Kwesiga Lydersen)